KRONIKA
Berri
Txarrak taldearen kontzertua, 2013/12/01
Kontzertua abenduaren lehenengo eguneko gaueko
bederatzietan hasten zen. Bederatziak hamargutxiagotan nahiko jende zegoen
Antzokira sartzeko itxoiten. Kontzerturako sarrerak urritik salduak zeuden, sold out kartela segituan eskegi zuen
taldeak. Bete egingo zen. Eta baita bete ere. Goiko palkoa beteta, eskailerak
beteta, eta pista zentrala beteta.
Taldea oso puntual atera zen eszenatokira.
Bederatziak pasata ziren, baina askotan ohituta gauden atzerapenekin alderatuz,
izugarria izan zen hain azkar Gorka eta bere mutilak jendaurrera ateratzen
ikustea. Ez zuten denborarik galdu. Lehenengo akordeak entzun ziren Bilboko
Kafe Antzokian, Gelauneria. Jaio. Musika. Hil diskako abesti
ezaguna. “Betiko zirudien, betirako
amaitu da…”, abestiaren lehen lerroa. Momenturako aproposegia, Haria bira-ren azken kontzertua bait zen
Bilboko Antzokian eman zutena. Eta hasi eta ez ziren gelditu. Hasieran hiru bat
abesti jarraian, arnasa hartzeko ere gelditu gabe. Ikaragarri ongi zebiltzan
eszenatokian Gorka, David eta Galder. Kontzertuetan dena ematen duten
horietakoak dira, eta horrela egin zuten. Beren abesti klasiko eta ezagunenak
izan direnak, hala nola, Oihu, Biziraun, Oreka edo Denak ez du balio,
Haria azken diskakoekin nahastu
zituzten, oso errezeta eraginkorra sortuz. Jendea hala ere, nahiko geldi
zegoen. Mundu guztia edalontziekin, eta bai, oso adi eszenatokira, baina ez mutilekin
oso konektatuta. Mugitzea kosta egiten zitzaiela zirudien. Agian igandea
zelako, agian aurreko gaueko ajea oraindik gainean zeramatelako. Nork daki. Baina
publikoarekin elkarregiten hasi zirenean eta Gorkak “Andaluzian hau egin genuen eta hobeto
egin zuten”, esan zuenean edonork pentsatuko zuen publikoa esnatuko zela. Eta
bai, Eskuak ekin konektatu zuten, eta
Bizaraun, Ikasten edo Stereo bezalako
klasiko handiekin gehiago mugitu zen jendea. Baina hala ere, ez azken kontzertu batek
eskatzen duen adina. Txaloak bai, denbora guztian, baina ez behar bezainbeste
oihu eta ez behar bezainbeste mugimendu. Kontzertuan bi momentu bereziki
hunkigarri egon ziren. Batetik, Aspaldian
utzitako zelda jo zutenean. Sarrionandiaren hitzekin ireki zuten, eta gero
abestiak sentimenduak azaleratzen utzi zituen. Eta bestetik, Lilularen kontra, Mikel Laboaren abestia
bertsionatu zutenean, bere heriotzaren bostgarren urteurrena zela eta.
Kontzertuak bi ordu iraun zituen, eta taldeak
ez zuen ia atsedenik hartu. Ikaragarria
izan zen eszenatokian erakutsi zuten indarra, gogoa eta maisutasuna. Detaile
bat bereziki txalotzekoa, Gorkak Ikasten
abestiaren harira esan zuena: D ereduan ikasten. Batez ere, handik bi egunetara
euskararen eguna izango zelako. Eta orokorrean, kontzertu borobila,
bertsioentzako lekua izan zuena, hala nola, Yuksek-en On a train eta lehen aipatutako Laboaren Lilularen kontra, klasikoz beterik egon zena, eta Harira diskako abesti esanguratsuenak
ere entzuteko aukera eman zuena, adibidez, Iraila.
Ikusi arte abestiarekin amaitu zuten, Gorkak talde tekniko guztiari
eskerrak eman eta publikoari “Berri Txarrak entzuten, sentitzen, ulertzen eta
maitatzen duzuen guztiei” hitzak eskaini ostean. Benetan kontzertu
gogoangarria, biraren amaiera izateko, jendearen aldetik berotasun gehiago
faltan bota bazen ere. Ikusi arte Berri Txarrak, espero dugu, berandu baino
lehen ikusiko dugula elkar.
Mikele BUSTILLO
No comments:
Post a Comment